Notizen zu dieser Person
War der Junge, der immer die Geburt seiner neuen Geschwister bekanntgab:
Heinrich Ahlers, Ollnborg
Heini un de Abäär
Bi Meiers in Neenwege keem de Abäär bold jedet Jahr. Heini, de öllste von Meiers Kinner, moß denn jümmers bi de Navers rum un Bescheed segen, dat he'n Broder oder'n Süster krägen harr. Dat weer für Heini jümmer'n groden Dag, denn de Froonslü ut de Naverschup frogen nich blots, wo't Mudder un den Lütjen gung. Heini kreeg bi de meisten uk noch'n paar Stücken brunen Zucker oder'n paar Koken. Nu harrde Abäär sik al länger tiet laten at anners, un Heini harr al langen woller Aptiet up wat to slickern.
He maak darum van sik ut de Runnen bi de Navers un kreeg uk duchtig wat tohoop. De Navers wunnern sik woll'n bäten, dat se dar gar nich achter kamen weern, dat dar wat unnerwägens weer, man nu, wo delüttje Heini darwäsen weer, weer dat klar, bi Meiers weer dat achte Kind ankamen.
Dat gung nu so langen goot, bit Mudder Meier up'n Weg na'n Koopmann een van de Froonslü ut de Naverschup dreep. De froog gfleks: ,Na, Marie, wo geit't. Hest di woller verhaalt? Wat maakt de Lüttje?"
Mudder Meier wunner sik un anter: Wo schall mi dat gahn? De Lüttje is ja al bold dree Johr oolt."
Do vertell de Naversch dat Heini Bescheed seggt harr, dat he woller'n Broder krägen harr.
Heini kreeg von Sin Mudder 'n düchtige Laag. De Neenweger aver hebbt sik höögt. Un at Heini nastens mal woher de Runnen maken moß, kreeg he mehr Zucker un Koken at vörher.
(De plattdütütsch Klenner, 1974, S. 99)
Karin
Heyne
