Notizen zu dieser Person
Sülffmeister in Lüneburg in den Jahren 1395 und 1399. Er kaufte eigene Pfannengüter in den Jahren 1395, 1409, 1411, 1412. Testament: Dietrich Düsterhop 1416 Juli 31:"In godes namen amen. Ik, Dyderik Dusterhop, borgher to Luneborgh, set te unde make myn testamente an wolmacht unde an redelicheit alle myner synne unde an wetenheit alle mynes dondes. Unde kese unde set te to mynen testamentarien her Hinrike van Unna, her Hermen Cruzen, Ludeken Stoteroggen unde Andreas Brockehovede unde bidde se, dat se dit nascrevene myn testament unde lesten willen vorvullen alze ik en wol to love. Weret over, dat er van dodes weghene welk affghinge, so scal me enen anderen in de stede kesen, de iurn dar nutte to dunket. Dama gheve ik enerne isliken testamentaries 10 mark, uppe dat se dit testament truweliken vorstan. Gheve ik to sunte Lamberte 30 mark to dem buwe. Ok gheve ik to sunte Mychaele 10 mark to dem buwe; echter gheve ik to Unser Leven Vrowen 10 mark to dem buwe. Ok gheve ik to sunte Nycolaus 10 mark to dem buwe unde to sunte Iohannes 10 mark to dem buwe. Ok is dit myn begheringhe, den halven wispel soltes, den ik hebbe to Grevynghe, dat me dar ene vicarie van make to sunte Lamberte, de scolen lenen myne rechten erven de negheste ghestlik edder werlik. Wan der over nicht mehr ene is, so scollet se lenen de bormestere, de dan syn unde in deme voriare wesen "hebbet. Desse vicarie scollen se lenen enerne armen prestere, de er wamerne myd missen unde alle hilghe daghe to kore gha. We aver desse vicarie hefft, de scal myne iartid unde myner eIderen daraff begban laten alle iar myd vigilien unde seiernissen; darto scal he nernen 12 prestere unde gheven enerne isliken in pennynge des avendes to vigilien unde des morghens in pennynge to zelernissen uppe den dach alze my god van hir nam. Ok gheve ik Beneken Dusterhope hundert mark. Dit ghelt ene scal me erne nicht, den er me erkennen kan, dat id eme nutte werde. Wer aver, dat he er van dodes weghene affghinghe, zo scollet desse vorscrevene hundert mark tokomen mynen rechten erven. Ok gheve ik Thideken Dusterhope, myneme ome, 60 mark, darto synen eidesten dochteren twen ener isliken 10 mark. Ok gheve ik Hinseken Kolres kynderen, mynes omes,.20 mark. Ok gheve ik Hillen van der Molen, her Heynen Sotmesters dochter, 10 mark. Boven desse vorscrevene stucke unde ghave gheve ik unde late Alheide, myner hus-vrowen, unde Dyderike, myneme sone, wes ik hebbe, al myn gud, beweghelik unde unbeweghelik. Weret aver, dat myn sone Dyderik to iaren qweme unde sik voranderde myd ener husvrowen unde dat myn husvrowe Alheit sik myd eme nicht vorghan enkonde alzo myd myneme sone Dyderike unde myd syner husvrowen, so scal myn husvrowe Alheit hebben ene halve pannen-herscup unde enen halven wispel soltes, uppe welke halve pannen dat se kust, mede to donde unde to latende myd mynem willen unde vulbort. Weret aver, dat myn sone Dyderik vorbenomet affghinghe ane erven, so scal me van staden an dat dorden-del mynes wunnen gudes keren in de ere godes, dar ik id van hebbe unde de anderen twe deel mynes wunnen gudes scal myn husvrowe Alheit brukafftich wesen myd vuller macht ere levedaghe. Wan dan erer to kort worde unde de leve god to sik nympt, so scal me desse twe deel mynes wunnen gudes, der ik er macht hebbe laten en twe dele, also dat dat enen deel gheve ik unde late mynen rechten erven myd crafft unde macht unde dat andere durdendeI mynes gudes gheve ik unde late Alheide, myner husvrowen, mede to donde und to latende, wat se wil unde nutte dunket. Weret aver, dat myn husvrowe Alheit van dodes weg-hene affghinghe ere myrne sone Dyderike und myn sone Dyderik na er affghinghe, er he to iarenqweme, so is dit myn ghanse wiUe, dat me dit also holde also id hirvor screven steit. Dit is myn leste wille unde testament, wan ik van dodes weghene affgha unde anders nen testament enmake, dat id god voghe na synem willen. Unde hebbe gebeden de ersamen heren hem Ludeken van Winsen unde hem Godeken Tzersteden, radmanne to Luneborgh, dat se dit myn testament to tughe bezeghelen willen. Unde wy, Ludeke van Winsen unde Godeke Tzerstede, radmanne to Luneborgh, bekennet unde betughet openbare in desser sulven scrifft, dat dit vorscrevene testament unde alle stucke darynne begrepen vor uns ghehandelt unde maket sint. Unde des to merer be-kantnisse hebbe wy unse inghezeghele witliken to tughe ghehenghet to desseme testamente. Screven na godes bort dusent iar verhundert iar in deme sesteynden iare des vridaghes na sunte Iacobe des hilghen apostels daghe
Ruprecht
Ziemssen
