Notizen zu dieser Person
EHESCHLIESSUNG:
Erste Ehe:
[Den 28. April] [1618].
Verzicht.
Hanns Winnkhlpeuntner zu Winnkhlpeunt, unnd Wolf Vockhenperger zu Vockhenperg Warleiten, als über weilendt Leonharten Hindernperger zu Edt seeligen hinnderlassner sechs Khinnder, Hanns Christina, Magdalena, Anna, Maria, unnd Rosina genannt, verordnete Vormunder, bekhennen unnd verzeichen, sich gegen der Pflegkhinnder eheleiblichen Muettern, Elspeth, umb unnd von weegen ires anerstorben vätterlichen Guets, sovil sy uf Ableiben, ires Vattern see: bei der Erbsgerechigkhait des Zaissergietls zu Edt [...].
Schuldbrief.
Obbeschribne Elspeth, weilendt Leonhardten Hinndernperger see: hinderlassne Wittib, bekhennt neben irem Vattern, Erasmen Winnkhlpeuntner zu Winnkhlpeunt, unnd gibt irem bei bemeltem irem Man ehelich erzeugten 6. Khinndern, oder deren Vormundern, Hannsen Winnkhlpeuntner, unnd Wolfen Vockhenperger, disen Schuldbrief [...].
Zweite Ehe:
[Actum[ [...] [den 9. July Ao. 1618].
No. 29.
Verzicht.
Peter Paur zu Dieppershaim in namen seines Weibs Martha, mer Wolf Singer zu Aichberg auch anstatt seiner Hausfrauen Barbara, dan Georg Wincklpeuntner zu Winklpeunt so dem Hansen zuverbitten Gwalt geben, Hanß Wincklpeuntner aufm Schilcherguett daselbst, item Hanß Rameseder zu Ramesed, in namen seines Weibs Margaretha, und Elspetha, Bangräzens zu Edt Hausfraw, so dem Rameseder zuverbitten Gwalt geben, bekennen und verzeichen sich auf deren frl. Stief- und eheleiblichen Vattern Erasmen Wincklpeuntner zu Wincklpeunt, umb und von wegen ires anerstorbnen müetterlichen Guets, sovil sy uf Absterben obbemelter irer Muetter see: bej seinem Austrag billichen zuersuechen gehabt oder haben hetten mügen, uf ewig.
Dirk
Kolb
