Jean DE NÉDONCHEL

#Générale#Jou Jehan de Nedonchel , sires de Boeuvri fais savoir a tous chious qui verront ches présentes lettres que j'ai vendu a mon segneur le conte d'Artois et a ses hoirs et a ses successeurs la vile de Boeuvri et les apartemanches toutes que j'ai en cele vile ou puis avoir que jou tieng de mon segneur le conte ch'est a savoir en terres, en bois, ou iaues, en prés, en molins, en fours en coustumes, en deniers et en toutes autres rentes et redevanches,en frans homes et en vilains et en toutes justices et segnouries et en toutes autres choses en quelconque manière qu'eles soient. Et fais asavoir que jou vent cascune C livrée de rente XII c lib.miens cuites, ch'est a savoir tantcomme il i auera de terre au pris de II chevaliers par la prisée et par la coustume de la terre. Et cheste dite vente ai ge fait en cel manière que madame me mère tendra toute sa vie VI xx livrées de tere qu'ele a en cele dite terre por son douaire. Et promet que se on trovoit plus de VIxx livrées de terre el douaire que jou seroie tenus le sourplus a restablir et a emplir a me mère du mien ou a rabatre et a oster la value de celui sourplus de la somme d'argent que me sire liquens me deveroit et fais a savoir que me sire liquens doit avoir le manoir et tout le propris si comme il se comporte et porprent de dans la fortereche franchement et quitement hors du prig de la valeur de laterre devant dite. Et promet que j'ai ferai chest marchie tenir et gréer a ma feme de cui hiretage la dite terre moet et Vient et a ses hoirs et au miens en toutes les manières que jou porroi et deverai as us et as coustumes Du pais . Et toutes ches convenenches je jur et promet par me foi a tenir et a faire tenir et garantit et que en contre cheste dite convenenches ne par moi ne par autrui ne irai ne vendrai et que je en ferai tout che que je en deveraifaire par le loi et le coustume du pais .Et nous Gilles chastelains de Biaumes , Anclars sires de Senigehem , Robers sires de Creseques , Gilles sires de Boissavenes homme d'Artois Fumes a ces convenenches devant dites.Et por che que Chil Jehans de Nedoncel n'avoit mie son seel A le requeste de li nous avonsmis en ches lettres nos seaux en tesmoignage de cheste convenenche devant dite . En l'an del incarnasion nostre segneur mil CCLXVI el mois de mai le vendredi après Le octave de Pentecouste.

Comments